Սիրելի մեծուփոքր,
Սա պատմություն է նոր տան, նոր ճանապարհի ու նոր սկզբի մասին։
Հաա՜, բոլորի կյանքում էլ գալիս է անհրաժեշտ փոփոխությունների ժամանակը։ Երբեմն դրանք վախեցնող են ու անհարմար, բայց նորը կարող է շա՜տ ավելի լավը լինել։ Կարևորը, որ կողքիդ սիրող մկն․․․ էէ՛, մարդիկ լինեն։
Նոր ճանապարհին ուժեղը վստահություն է տալիս, մտածողը՝ ելքեր է գտնում, համբերատարը՝ հույս է տալիս, ծիծաղկոտը՝ ուրախություն է բերում։ Եվ նոր սկիզբը դառնում է մի քիչ ավելի հեշտ։
Իսկ դո՞ւ։ Քո ընտանիքում կամ ընկերներին ինչո՞վ ես օգնում կամ ուրախացնում։
